උදරය නෙරා ඒම නිසා ඔබ අපහසුතාවට පත් වී සිටිනවා නම් ඒ සඳහා සෘජුවම බලපාන්නේ ඔබේ ආහාර රටාවයි. තවදුරටත් උදරය නෙරා ඒම නිසා පීඩා විඳින්න අවශ්‍ය නැහැ. ඒ සඳහා ඔබට කළ යුතු දෑ බොහෝමයි.
සාමාන්‍ය බර
පුද්ගලයකුට නිර්දේශිත බර සීමාව කොපමණද යන්න කෙරෙහි මුලින්ම අවධානය යොමු කළ යුතුය. පොදුවේ පුද්ගලයකුට තිබිය යුතු බර ගණනය කළ හැක්කේ ඊඵෂ අගය ඊදාහ ප්ිි සබාැං හෙවත් ශරීර ස්කන්ධ දර්ශකයෙනි. මෙයින් අදහස් වන්නේ යම් පුද්ගලයකුගේ උසට අනුව බර පවත්වා ගැනීමයි.
සෑම පුද්ගලයකුගේම ඉණ ප‍්‍රමාණයේ සීමාව කෙරෙහිද අවධානය යොමු විය යුතුය. එයට හේතුව වන්නේ යම් පුද්ගලයකුගේ ශරීරයේ මේදය වඩාත් තැන්පත් වීම සිදුවන්නේ උදරය හා ඉණ අවට ප‍්‍රදේශය වටා වන බැවිනි. මේ තත්ත්වය ශරීරයට ඉතාම අහිතකරය. බොහෝ රෝගවලට හේතුවන ප‍්‍රධාන සාධකය වන්නේ උදරයේ හා ඉණ අවට මේදය තැන්පත් වීමයි. මෙහි සීමාව කාන්තාවක් නම් ඉණ ප‍්‍රමාණය උපරිම අ`ගල් 35ක් හා පිරිමියකුගේ නම් උපරිමය අ`ගල් 40ක් දක්වා පැවැතිය යුතුය. මෙහි අවම අගයක් නොමැත. ඒ නිසා ඉණ ප‍්‍රමාණය අඩුකර ගැනීමෙන් ලෙඩ රෝග රැුසකින් ආරක්‍ෂා වීමට හැකියාව ලැබේ.
මෙලෙස ඊඵෂ අගය මෙන්ම ඉණේ ප‍්‍රමාණය පවත්වා ගැනීම ගැහැනු පිරිමි දෙපාර්ශ්වයටම පොදුය. උදරය නිසා විවිධ රෝග තත්ත්වයන්ට මුහුණදීමට සිදුවේ.
x මරණය
x ජීවත්වීමේ කාලය කෙටි වෙයි
x හෘදයාබාධ, ආඝාතය වැනි හෘදය ආශි‍්‍රත රෝග ඇතිවීම නිසා මිය යෑමට ඇති ඉඩකඩ වැඩිය.
x දියවැඩියාව
x පිළිකා (මහබඩවැල, ගර්භාෂය, වකුගඩුවල*
x ආතරයිටිස්
x පිත්තාශයේ ගල් ඇතිවීම
x මඳසරුභාවය (කාන්තා පිරිමි දෙපාර්ශ්වයටම*
x ඇදුම
x නිදා ගැනීමේදී ඇතිවන අපහසුතා (නින්ද නොයෑමේ රෝගී තත්ත්ව, නින්දේදී ගෙරවීම*
x ඇසේ සුද මතුවීම
මේ රෝගවලට අමතරව ශාරීරික වශයෙන් අපහසුතා ඇති විය හැකිය. ගමන් යෑමේදී, වාහනවලදී, පොදු ස්ථානවලදී උපහාසයට ලක්වීම වැනි තත්ත්වයන්ටද මුහුණ දීමට සාමාන්‍යයෙන් සිදුවෙයි.
හේතු
සැබැවින්ම තරබාරුකම හෙවත් බර වැඩිවීම ඇති වන්නේ කෙසේද යන්න කෙරෙහි මූලික අවධානය යොමු කළ යුතුය. සාමාන්‍යයෙන් මෙවැනි ගැටලූවලට මුහුණදීමට සිදුවන්නේ වැඩිහිටිභාවයට පැමි”මත් සමඬය. මීට අමතරව රැුකියාවේ ස්වභාවය අනුව ක‍්‍රියාශීලීත්වය අඩුවීම නිසාත් නිවෙස්වල විදුලි උපකරණ භාවිතය නිසාත් කය වෙහෙසා වැඩ කරන කාලය බොහෝ දුරට අඩුවී තිබේ. එමෙන්ම ශක්තිය වැඩි ආහාර ගැනීමත් එම ශක්තිය වැය නොකිරීමත් නිසා මේදය තැන්පත් විය හැකිය. එමෙන්ම මේ සඳහා ජානමය හේතු (පවුලේ ආරය* වැනි හේතුද බලපායි.
තමන්ගේ බර අඩුකර ගැනීමට පුද්ගලයන් විවිධ වැරැුදි ක‍්‍රියාමාර්ගවල නිරත වෙයි. විශේෂයෙන් මහත අඩු කිරීම සඳහා මේදය අඩු (ඛදඅ ේඑ* ආහාරවලට යොමු වුවද ඉන් මහත අඩු කර ගැනීම ප‍්‍රායෝගික කරුණක් නොවේ. එමෙන්ම නොපෙනෙන මේදය සහිත ආහාර එනම් කේක් වර්ග, බිස්කට් වර්ග, අයිස් ක‍්‍රීම්, පොල් කිරි මිශ‍්‍ර වෑංජන ආදියේ මේදය මතුපිටින් නොපෙණුනද ඒවායේ මේදය සැලකිය යුතු ප‍්‍රමාණයක් සැ`රැුවී තිබේ. මෙවැනි ආහාර නිතර ගැනීමද උදරයේ මේදය තැන්පත් වීමට හේතු විය හැකියි. එමෙන්ම ඇතැම් පුද්ගලයන්ගේ විශ්වාසය අනුව මහත අඩුකර ගැනීමට පිෂ්ටය අඩුකර, ප්‍රෝටීන බහුල ආහාර පරිභෝජනය කරයි.
මෙහිදී තෙල් අඩු කිරීමද කළ යුතුය. මෙවැනි ක‍්‍රියාමාර්ගයකින් කෙටිකාලීනව ප‍්‍රතිඵලදායක නමුත් දිගුකාලීනව ප‍්‍රතිඵල රහිතය. ආහාරවේල් මගහැරීම හෙවත් ඩයට් කිරීම මහත අඩු කිරීමට යොදා ගන්නා අසාර්ථක ක‍්‍රමයකි. මන්ද යම් පුද්ගලයකු ආහාර වේල් දෙකක් මගහැරියේ නම් තුන්වැනි ආහාර වේලෙහි දී වැඩි ප‍්‍රමාණයක ආහාර ගැනීමට පෙලැඹේ. ශරීරයට එකවර ආහාර විශාල ප‍්‍රමාණයක් ගැනීමේදී මේදය තැන්පත්වීම ස්වාභාවිකව වැඩි ප‍්‍රවණතාවක් ගනී. ඒ නිසා මහත අඩුකිරීමට ඩයට් කිරීම කිසිසේත් සුදුසු නැත.
පෙති භාවිතය
මහත අඩුකර ගැනීමට හෝ කෙට්ටුකම මගහරවා ගැනීමට හෝ පෙති වර්ග භාවිත කරන්න එපා.
යම් පුද්ගලයකු කෙට්ටු වුවත් නිරෝගී සහ ක‍්‍රියාශීලී නම් එය ගැටලූවක් නොවේ. එහෙත් මහත්වීමට පෙති භාවිත කිරීමේදී සිදුවන්නේ,
x කෑම රුචිය වැඩි කිරීම.
x ඇතැම් ඖෂධ හෝමෝනවල වෙනසක් ඇතිවීම.
x අවසාන ප‍්‍රතිඵලය වන්නේ අතුරු ආබාධ ඇතිවීමයි.
කෙට්ටු වීමට භාවිත කරන පෙති වර්ග නිසා,
x ශරීරයේ මේදය ඉවත් වීම කිසිසේත්ම සිදු නොවේ.
x ආහාර රුචිය අඩු කරයි.
x ශරීරයේ ඇතුළත රසායනික ක‍්‍රියාකාරකම් වෙනස් කරයි.
ගී‍්‍රන් ටී පානය කිරීම සෞඛ්‍ය සම්පන්න වුවත් ඒ මහත අඩුකර ගැනීමේ අරමුණු ඇතිව නම් එය අසාර්ථක ක‍්‍රමයකි. අධික තරබාරුකම නැති කර ගැනීම ශල්‍යකර්මයකින් සිදුකළ හැකි අතර එයද අතුරු ආබාධ සහිතයි. එමෙන්ම මේ සුවිශේෂී වූ ශල්‍යකර්මය වෛද්‍ය නිර්දේශය මතම සිදුවිය යුත්තකි. කාන්තාවන් රූපලාවණ්‍යමය අරමුණින් මෙවැනි ශල්‍යකර්ම කිරීම අනතුරුදායකය.
වෙළෙඳ දැන්වීම්වල දක්වන පරිදි ශරීරයේ යම් යම් ස්ථානවල මේදය අඩුකර ගැනීම සඳහා (උදරය, කලවා* යම් යම් උපකරණ පැලැඳීමෙන් කිසිසේත්ම සාර්ථක ප‍්‍රතිඵල ලබා ගත නොහැකියි. එමගින් සිදුවන්නේ යම්කිසි රත්වීමක් පමණි. මේවා විද්‍යාත්මක පදනමක් රහිතය. එමෙන්ම මතුපිටින් ක‍්‍රීම් වර්ගයක් ආලේප කිරීම මගින් මේදය අඩුකර ගැනීමට නොහැකිය.
පහසුවෙන්ම මහත පාලනය කර ගැනීමට අනුගමනය කළ යුතු ක‍්‍රියාමාර්ග 3කි.
x ක‍්‍රියාශීලී වීම.
x කුඩා ප‍්‍රමාණවලින් ආහාර ගැනීම.
x සෙමින් ආහාර ගැනීම.
යම් පුද්ගලයකු මහත වැඩි නම් එය පාලනය කිරීමට අනුගමනය කළ හැකි කෙටි ක‍්‍රම 5ක් දැක්විය හැකිය.
01. තමන්ට නුපුරුදු ආහාර රටාවකට පුරුදුවීම අතහැරීම.
මෙයින් අදහස් වන්නේ තමන් එදිනෙදා ගන්නා ආහාර වේල වෙනුවට වෙනස් ආහාර රටාවකට යොමුවීමයි. හැකිතරම් සෞඛ්‍යානුකූල ආහාර රටාවකට යොමුවීම වැදගත්ය.
උදා - සාමාන්‍ය ආහාර රටාවට වඩා ඇතැම් විට නාගරික වටපිටාවක සිටීමේදී ෆයිඞ් රයිස්, කොත්තු වැනි ආහාරවලට යොමුවීම.
02. ක‍්‍රියාශීලී වීම. විශේෂයෙන් ව්‍යායාම කටයුතුවල යෙදීම.
අවම වශයෙන් දිනකට පැයක් හෝ ඒ සඳහා වෙන් කිරීම. ජොගින් කරනවා නම් හති වැටෙන තුරු කරන්න. අවම වශයෙන් සතියට දින 5ක් හෝ අඛණ්ඩව ව්‍යායාම්වල නිරත වෙන්න. කණ්ඩායමක් ලෙස ව්‍යායාම් කටයුතුවල නිරතවීම හොඳ තත්ත්වයකි. වාඩිවෙලා සිටීම (ීසඑඑසබට* උදරය නෙරා ඒමට බලපායි. ඒ නිසා වාඩිවී රැුකියා කරන අය වරින් වර හෝ නැගිටිය යුතුයි.
03. රූපවාහිනිය නිවා දමන්න.
රූපවාහිනිය නැරැුඹීමට ඇබ්බැහි වීම ශරීරයේ ක‍්‍රියාකාරිත්වය අවමවීමට හේතු වෙයි. මේ නිසා උදරය ප‍්‍රදේශය මහත් වීම අනිවාර්යයෙන්ම සිදුවෙයි. ආහාර පිළිබඳ දැන්වීම්, මානසික වශයෙන් පෙලඹවීමක් ඇති කරයි. රූපවාහිනිය නරඹන විට ආහාර ගැනීම සීමාව ඉක්මවා සිදුවෙන නිසා තරබාරු කම ඇතිවීමට හේතුවෙයි.
04. සීනි සහිත බීම වර්ග පානයෙන් ඈත් වීම.
විශේෂයෙන් කෝලා බීම, මෝල්ට් පානයන්, පැණිබීම, පලතුරු බීමවලින් හැකිතරම් ඉවත් විය යුතුය. පර්යේෂණවලට අනුව වතුර පානය කරන පුද්ගලයකුට වඩා පැණිබීම පානය කරන පුද්ගලයකුගේ තරබාරුකම වැඩිය.
05. කෑමට පෙර සිතා බලන්න.
යම් කෑම වර්ගයක් පරිභෝජනයට පෙර එය කෙතරම් දුරට සෞඛ්‍යානුකූලද යන්න සිතා බලන්න. එමෙන්ම එය තමන්ට කෙතරම් සුදුසුද යන්නත් වැදගත්ය.
උදා - කේක්, පේස්ටි‍්‍ර, කෙසෙල් සහිත පි`ගානකින් ඔබට වඩාත්ම ගැළපෙන දේ තෝරා ගන්න. එමෙන්ම අඩු සීනි, වැඩි සීනි, සීනි රහිත තේ වලින්ද ඔබට සුදුසු දේ තෝරා ගන්න.
-ලයනි රසිකා නිරෝෂි-
Blogger Comment