වැඩි වශයෙන් තෙල් සහිත මුහුණු වල ඇතිවෙන බ්ලැක්හෙඞ්ස් වලට බොහෝ දෙනෙක් වෙලදපොලේ ඇති මිල අධික නිෂ්පාදන භාවිතා කරයි.නමුත් ඒවා මගින් ලබාදෙන ප‍්‍රතිපල තාවකාලික වන අතර ඔබට නැවත නැවත එම නිෂ්පාදන ඉතා ඉහල මුදලක් වැය කොට ගැනීමට සිදුවේ.
කෙසේ නමුත් මුහුණ යනු මිනිසාගේ සංවේදීම සම සහිත ස්ථානයකි.එම නිසා මුහුන සඳහා ආලේපනයන් තෝරාගන්නා විට ඔබ වඩාත් සැලකිලිමත් විය යුත්තේ මුහුණේ ආලේප කල ආලේපයන විස වීම නිසා ජීවිතද නැතිවූ අවස්ථා වාර්තා වී ඇති බැවිනි.එම නිසා සෑම විටම ස්වභාවික ද‍්‍රව්‍යන් යොදා ගනිමින් සිදු කරගන්න පුළුවන් ආලේපයන් වලට මුල් තැන ලබාදෙන්න.ස්වභාවික ද‍්‍රව්‍යන් මගින් මුහුණට සමට කිසිදු හානියක් ඇති නොවේ.පහත සඳහන් වන්නේ එලෙස ස්වභාවික ක‍්‍රමයක් මගින් බ්ලැක්හෙඞ්ස් සඳහා ප‍්‍රතිකාරයක් සිදු කරගන්නා ආකාරයයි.
අවශ්‍ය ද‍්‍රව්‍ය
මුහුදු ලූණු මේස හැඳි 1ක්
දෙහි යුෂ තේ හැඳි 1/2ක්
උණු වතුර තේ හැඳි 1ක්
සියලූම ද‍්‍රව්‍ය මිශ‍්‍ර කර මුහුණේ අලේප කරන්න.බ්ලැක්හෙඞ්ස් ඇති තැන්වල වැඩිපුර ආලේප කරන්න
මිශ‍්‍රණය මුහුණේ අලේප කිරීමට පෙර උණු වතුරෙන් තෙමාගත් තුවායක් ගෙන බ්ලැක්හෙඞ්ස් ඇති තැන් වක‍්‍රාකාරව අතුල්ලන්න.නැවත උණු වතුරෙන් මුහුණ මිනිත්තු 5ක් පමණ පිරිමදින්න.තුවායෙහි උණුසුම නැති වූ විට නැවත එය උණුසුම් කරගන්න.ඉන්පසු මිශ‍්‍රණය මුහුණේ ආලේප කර මිනිත්තු 5ක් පමණ තබා සෝදා හරින්න.
දිනපතා මෙලෙස සතියක් හෝ සති දෙකක් නොකඩවා සිදු කිරීමට වගබලා ගන්න.මෙමගින් ඔබට නැවත කෙදිනකවත් බ්ලැක්හෙඞ්ස් දක්නට නොලැබේවි.
Blogger Comment